🍁

 

മരം മണ്ണിനെയോ 

മണ്ണ് മരത്തിനെയോ

എന്ന് അറിയാത്തവണ്ണം

ആ ബന്ധം വേരിറങ്ങിയിരുന്നു

പാഴിലകൾ അലിഞ്ഞ് ചേർന്ന് 

തന്നിലേക്ക് തന്നെ ആവാഹിക്കുന്ന 

അന്ത്യമില്ലാത്ത വിപ്ലവം പോലെ 

അത് സംവദിച്ച് കൊണ്ടേയിരുന്നു..

ഇതിനപ്പുറത്തേക്ക്

 മണ്ണിൻ്റെ വർഗവും

മരത്തിൻ്റെ കുടുംബവും 

ഏതെന്ന് ഭൂമി 

ചികഞ്ഞ് നോക്കുന്നുണ്ടോ..

ഇതും ഇരുകാലികളുടെ ഭാവനകൾ ആണൊ..

സ്നേഹം അമാനുഷികമാണൊ..

ഒരു കാറ്റിൽ പെടന്ന് വീഴാൻ ഉള്ളതല്ലേ

ചോദ്യം അങ്ങനെ തന്നെ നിലനിൽക്കട്ടെ